【何麒的生活隨筆】
Hoki the Kongner：12月音樂會推介
話咁快又黎到年尾，十二月有聖誕節呢個黃金檔期，所以我今次喺度就介紹兩個心水嘅聖誕檔期節目比家。
1 The Snowman & The Bear
《雪人》同埋《大熊》係Raymond Briggs 所寫嘅故事書，後嚟改編成短編嘅卡通動畫。香港城市室樂團呢個音樂會演奏嘅就係呢兩套卡通動畫嘅配樂。又有動畫睇，又可以欣賞到由Howard Blake 所寫嘅配樂，最啱一家大細入場睇。
2 胡桃夾子
著名俄國音樂家柴可夫斯基寫咗一生人寫咗三部芭蕾舞劇嘅音樂，分別係：《胡桃夾子》、《天鵝湖》同埋《睡美人》，而其中《胡桃夾子》係聖誕嘅經典。故事係講女主角係平安夜收到一個人形嘅胡桃夾子公仔（即係而家成日見到嘅玩具士兵公仔，但個公仔個口係可以用黎開合桃），但比人打爛左。去到夜晚，所有屋企人訓哂之後，女主角又去睇嗰個爛咗嘅胡桃夾子公仔，就係咁樣，女主角就同呢隻胡桃夾子公仔就踏上一個奇幻嘅冒險啦。呢個又係好啱一家大細入場睇嘅節目黎，故事又夠簡單易明，又可以睇到專業嘅芭蕾舞劇嘅時演出到底係點樣，而且重好應節添。
順帶一提，柴可夫斯基亦都係《胡桃夾子》入面抽左幾段音樂出黎編成一隻組曲，如果猶疑緊好唔好買飛睇《胡桃夾子》，或者睇完之後覺得唔夠候，可以聽下呢隻《胡桃夾子組曲》。
(link: https://www.youtube.com/watch?v=GiEIe0ClGIM)
介紹咗嘅兩個節目都係應節，而且相對地係有趣同埋比較親民同合家歡嘅節目，希望大家有時間都可以試下參與其中啦。
今個星期講住咁多先，下次見！
（本欄逢周三更新。敬希讀者垂注）
—————————————————————————
HappyKongner 招稿喇！！！
我哋嚟緊會喺逢星期五加設 【Kongner投稿天地】 ，俾廣大Kongner 弟兄姊妹能夠有發表佢哋意見嘅地方，亦都可以鼓勵大家多啲運用自己嘅闡述能力。
有興趣嘅朋友歡迎直接Facebook Send Message 俾我哋，又或者Email 去 happykongner@gmail.com 同我哋傾都得。
期待收到大家嘅鴻文大作！
納稿標準：合乎邏輯，文句通順，言之成理即可，不過編輯部同事比較嚴謹，大家自己小心。
Search